Música Nova foi un dos dous proxectos elexidos pola mocidade de Cerveira e Tomiño nas votacións do Orzamento Participativo Transfronteirizo 2023.
O seu obxectivo é promover actividades musicais conxuntas, procurando a divulgación da tradición e a aprendizaxe de novos estilos musicais.
Chegou o momento de desfrutalo!
Se tes entre 12 e 30 anos, inscríbete!
Imos organizar Talleres/Workshops en educación en valores a través da música e de capacitación para carreira profesional na música; miniconcertos de rúa e ensaios con músicas diversas; e preparar, coa túa axuda, un concerto/espectáculo final no Auditorio de Goián. Terás tamén a oportunidade de conversar con músicos profesionais. Os responsables son músicos con experiencia na organización de eventos como a Escola do Rock Paredes de Coura, o Space Festival, Festival e Ciclo de Polinização Musical de Paredes de Coura.
Non é imprescindible ter coñecementos musicais. Escolle tantas actividades como che interesen e ven compartir o teu gusto pola música.
As actividades decorrerán entre o 22 de abril e o 10 de junio en diversas localizacións de Cerveira e Tomiño. Como algunhas actividades teñen prazas limitadas, cando finalice a inscrición enviarémoste a confirmación dos horarios e actividades nas que podes participar. Garantímoste praza nalgunha delas.
OS DESPRAZAMENTOS ATÉ O LOCAL DE ENSAIO OU ACTIVIDADE SON POR CONTA DA MOCIDADE PARTICIPANTE.
PARA OS MENORES DE IDADE É OBRIGATORIA A AUTORIZACIÓN DO PAI, NAI OU TITOR LEGAL PARA A SÚA PARTICIPACIÓN E APARICIÓN EN IMAXES GRÁFICAS DE DIVULGACIÓN.